07. September 2022 Júlía Eyfjörð Jónsdóttir nýr framkvæmdastjóri hjá Ölgerðinni Júlía Eyfjörð Jónsdóttir hefur verið ráðin nýr framkvæmdastjóri framleiðslu- og tæknisviðs Ölgerðarinnar. Júlía Eyfjörð Jónsdóttir hefur verið ráðin nýr framkvæmdastjóri framleiðslu- og tæknisviðs Ölgerðarinnar. Júlía, sem er 29 ára gömul, hóf feril sinn hjá Ölgerðinni beint að loknu verkfræðinámi árið 2017 og hefur unnið við fjölmörg störf hjá fyrirtækinu síðan. Hún starfaði við framleiðslu, umbótastjórnun, upplýsingatækni og var nú síðast leiðtogi stafrænnar þróunar Ölgerðarinnar. „Ég tek við góðu búi frá Margréti Arnardóttur, fyrrverandi framkvæmdastjóra, og hlakka mikið til að starfa með þeim öfluga hópi sem er á framleiðslu- og tæknisviði Ölgerðarinnar. Ég er spennt að takast á við nýjar og krefjandi áskoranir og er þakklát fyrir tækifærið og það traust sem mér er sýnt,“ segir Júlía. Júlía er með M.Sc. gráðu í rekstrarverkfræði frá Háskólanum í Reykjavík og B.S. gráðu í iðnaðarverkfræði frá Háskóla Íslands. Hún hefur þegar hafið störf sem framkvæmdastjóri hjá Ölgerðinni.
31. August 2022 Ölgerðin fyrirmyndarfyrirtæki Ölgerðin er eitt 16 íslenskra fyrirtækja sem hlaut viðurkenningu Samtaka atvinnulífsins sem „Fyrirmyndarfyrirtæki í góðum stjórnarháttum.“ Það er mikil viðurkenning fyrir fyrirtækið að hljóta enn einu sinni þessa nafnbót, en Ölgerðin leggur mikla áherslu á þetta atriði, góða viðskiptahætti, góð tengsl við allt sitt starfsfólk og góð samskipti við birgja sína og viðskiptahætti. Viðurkenningin var afhent við hátíðlega athöfn á Nauthóli og segir í umsögn SA að starfshættir stjórnar Ölgerðarinnar séu vel skipulagðir og framkvæmd til fyrirmyndar.
30. August 2022 Minni sykur og færri kaloríur í Pepsi Í samræmi við auknar kröfur neytenda um heim allan um hollari neysluvörur hefur PepsiCo á undanförnum árum minnkað sykurmagn verulega í drykkjarvörum sínum. Minni sykur þýðir færri kaloríur í hverjum neysluskammti og með það að markmiði, og í samræmi við áætlanir um sjálfbærni og hollustu, er nú minni sykur í Pepsi. Pepsi inniheldur nú aðeins 7 grömm af sykri í hverjum 100 ml og kaloríur eru 35% færri en áður. Fyrstu sendingar af Pepsi með minni sykri og færri kaloríum er komið í verslanir.
30. June 2022 25% tekjuvöxtur Ölgerðarinnar á fyrsta ársfjórðungi Vörusala samstæðu Ölgerðarinnar var 25% hærri á fyrsta ársfjórðungi 2022 en á sama tímabili 2021 Rekstrarhagnaður fyrir afskriftir (EBITDA) hækkaði um 305 milljónir kr. milli tímabila og jókst um 46% Sala á kútabjór til veitingastaða tvöfaldaðist Ný framleiðslulína var tekin í notkun Árshlutareikningur samstæðu Ölgerðarinnar Egils Skallagrímssonar hf. fyrir tímabilið 1. mars 2022 – 31. maí 2022 var samþykktur af stjórn og forstjóra á stjórnarfundi 30. júní 2022. Helstu niðurstöður árshlutareiknings: EBITDA nam 963 millj. kr. samanborið við 657 millj. kr. á 1F 2021, sem jafngildir 46% hækkun milli ára. Eigið fé í lok 1F 2022 nam 8,0 ma. kr. og eiginfjárhlutfall 32% sem er óbreytt frá lok síðasta fjárhagsárs. Nettó vaxtaberandi skuldir með leiguskuldbindingu voru 7.932 millj. kr. í lok 1F 2022 samanborið við 8.366 millj. kr. í lok árs 2021. Hagnaður eftir skatta var 521 millj. kr. og jókst um 60%. Samkvæmt uppgjöri fyrsta ársfjórðungs jókst rekstrarhagnaður fyrirtækisins fyrir afskriftir, fjármagnsliði og skatta (EBITDA) um 305 milljónir króna frá sama tímabili árið 2021, var 963 milljónir króna 2022 en var 657 milljónir króna 2021. Hagnaður eftir skatta var 521 milljón króna og jókst um 195 milljónir króna milli ára. Eigið fé Ölgerðarinnar var 8 milljarðar króna og eiginfjárhlutfall 32%. Þá lækkuðu vaxtaberandi skuldir að frádregnu handbæru fé um 434 milljónir króna á tímabilinu. Rekstur Ölgerðarinnar gekk vel á tímabilinu og jókst vörusala þess um 25% milli tímabila og munar þar um kaup Danól ehf. á viðskiptasamböndum Ásbjörns Ólafssonar ehf, mikla söluaukning til hótela og veitingastaða auk þess sem Ölgerðin er að styrkja stöðu sína á lykilmörkuðum með vörunýjungum og breyttu vöruframboði í drykkjarvöru. Þá hefur möguleikum í pakkningum á drykkjarvörum fjölgað umtalsvert með fjárfestingu í nýrri framleiðslulínu sem tekin var í notkun á tímabilinu sem gefur tækifæri til mun fjölbreyttara vöruúrvals. Þann 27. maí 2022 lauk hlutafjárútboði á 29,5% af þegar útgefnum hlutum í Ölgerðinni sem var undanfari skráningar í félagsins á aðalmarkað Kauphallarinnar. Skráningin fór svo fram þann 9. júní 2022 og fyrstu viðskipti með bréfin þann dag. Samhliða skráningu Ölgerðarinnar tók stjórn félagsins ákvörðun um að gefa öllu fastráðnu starfsfólki hlutafé í Ölgerðinni. „Við erum hæstánægð með afkomuna fyrstu þrjá mánuði fjárhagsársins. Tekjuvöxturinn er góður og stærsti sölumánuður í sögu fyrirtækisins var á þessu tímabili. Sumarið 2021 var afar gott þegar litið var til sölutalna og við horfum bjartsýn til þessa sumars. Það er ánægjulegt að sjá jákvæð viðbrögð markaðarins við skráningu á hlutum Ölgerðarinnar og við hlökkum til að takast á við komandi verkefni,“ segir Andri Þór Guðmundsson, forstjóri Ölgerðarinnar. Nánar hér Ölgerðin logo Grjóthálsi 7-11 / 110 Reykjavík olgerdin@olgerdin.is · Kt. 420369 7789 · VSK NR.11211 412 80 00 Opnunartímar: 8:00 - 16:00 Hafa samband
10. June 2022 Ölgerðin skráð í Kauphöllina Við hjá Ölgerðinni erum afar stolt af því að vera nú skráð fyrirtæki í íslensku kauphöllinni. Það er gaman að segja frá því að gömul bjalla sem stofnandinn, Tómas Tómasson, notaði á sínum tíma til hringja inn matar- og kaffitíma starfsfólksins fékk það hlutverk núna í vikunni að hringja inn þessi mikilvægu tímamót í sögu fyrirtækisins. Hlutabréfin voru mjög eftirsótt í útboðinu þar á undan og við bjóðum um 7.000 nýja hluthafa velkomna til liðs við okkur og þökkum traustið. Þessi mikli áhugi er okkur mikil hvatning til að halda áfram af enn meiri krafti og gera betur á öllum sviðum í framtíðinni.
01. June 2022 TÆPLEGA 7.000 NÝIR EIGENDUR EFTIR HLUTAFJÁRÚTBOÐ ÖLGERÐARINNAR Tæplega 7.000 nýir hluthafar bætast í hóp eigenda Ölgerðarinnar Egill Skallagrímsson eftir vel heppnað hlutafjárútboð fyrirtækisins sem lauk föstudaginn 27. maí 2022. Rúmlega fjórföld eftirspurn var eftir hlutafé í fyrirtækinu þar sem almenningur keyptu hlutafé á genginu 8,9 kr. á hlut og stærri fjárfestar buðu 10,03 kr. á hvern hlut. Alls bárust áskriftir fyrir rúmlega 32 ma. kr. en boðnir voru 827,3 milljónir af áður útgefnum hlutum. Í sölubók A var rúmlega þreföld eftirspurn og fimmföld í tilboðsbók B. Seljendur samþykktu áskriftir fyrir 29,5% af hlutafé félagsins og var söluandvirði 7,9 ma. kr. „Við erum í skýjunum með þessar frábæru móttökur sem færa stóran hluta fyrirtækisins í eigu þjóðarinnar. Við vonuðumst vissulega eftir góðum viðbrögðum, en þau fóru fram úr okkar björtustu vonum og sýna að viðskiptavinir og fjárfestar hafa trú á fyrirtækinu, vörum okkar, þjónustu og framtíðarsýn,“ segir Andri Þór Guðmundsson, forstjóri Ölgerðarinnar. „Það er sérstaklega ánægjulegt að sjá hversu mikið af ungu fólki keypti hlut í fyrirtækinu, sem sýnir okkur svart á hvítu hversu stóran sess Ölgerðin skipar hjá þjóðinni,“ segir Andri Þór. Fyrirtækjaráðgjöf Kviku banka hafði umsjón með útboðinu og geta þátttakendur nálgast upplýsingar um úthlutun á www.kvika.is/olgerdin og nota sömu aðgangsauðkenni og þeir notuðu til að skrá áskrift sína í útboðinu. Gjald- og eindagi áskrifta er 3. júní 2022 og ráðgert er að viðskipti með hlutabréf Ölgerðarinnar hefjist fimmtudaginn 9. júní 2022. Nánari upplýsingar: Andri Þór Guðmundsson, forstjóri, s: 412 8000 / andri.thor.gudmundsson@olgerdin.is
23. May 2022 HLUTAFJÁRÚTBOÐ ÖLGERÐARINNAR HAFIÐ Almennt hlutafjárútboð Ölgerðarinnar er hafið og stendur yfir til föstudagsins 27.05 kl. 16:00. Boðnir verða til kaups samtals 827.299.496 hlutir af áður útgefnu hlutafé í félaginu, sem samsvarar 29,5% af útgefnu hlutafé félagsins. Ráðgert er að niðurstaða útboðsins muni liggja fyrir eigi síðar en mánudaginn 30. maí og er fyrsti viðskiptadagur áætlaður fimmtudaginn 9. júní. Upplýsingar um Ölgerðina og skilmála útboðsins má finna í lýsingu Ölgerðarinnar, sem birt var þann 17. maí, og í fjárfestakynningu félagsins, hægt er að nálgast upptöku af fjárfestafundi félagsins hér.
13. May 2022 Ölgerðin gefur starfsfólki hlutabréf Allir fastráðnir starfsmenn Ölgerðarinnar fá hlutabréf í fyrirtækinu að gjöf, en Ölgerðin stefnir að skráningu í Kauphöllina á næstu vikum. RÚV fjallaði m.a. um þetta mál í fréttum sínum, eins og sjá má hér: https://www.ruv.is/frett/2022/05/09/olgerdin-gefur-starfsfolki-hlutabref?term=%C3%B6lger%C3%B0in&rtype=news&slot=3
